ԱՄՆ-ը ԵՄ-ին նախազգուշացրել Է եվրոպական ապրանքների վրա մաքսեր սահմանելու մասին
1 րոպեի ընթերցում
![ԱՄՆ-ը ԵՄ-ին նախազգուշացրել Է եվրոպական ապրանքների վրա մաքսեր սահմանելու մասին](http://armenpress.am/resized/480/static/news/b/2019/04/970584.jpg)
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: ԱՄՆ-ի առեւտրական ներկայացուցչի գրասենյակը հրապարակել Է եվրոպական արտադրության ապրանքների նախնական ցուցակը, որոնց արտահանումը Միացյալ Նահանգներ կհարկվի բարձրացված մաքսերով, եթե Եվրամիությունը շարունակի դրամատրել Airbus ընկերությանը, տեղեկացնում Է «Արմենպրես»-ը:
«Մեր վերջնական նպատակը Եվրմիության հետ համաձայնության հասնելն Է խոշոր քաղաքացիական ինքնաթիռների կառուցման՝ Առեւտրի համաշխարհային կազմակերպության հետ չհամաձայնեցված բոլոր լրահատկացումների դադարեցման շուրջը: Երբ ԵՄ-ն դադարեցնի այդ լրահատկացումները, ԱՄՆ-ի լրացուցիչ մաքսերը, որոնք սահմանվել են որպես պատասխան միջոցներ, կարող են չեղյալ հայտարարվել»,- ասված Է ԱՄՆ-ի առեւտրական ներկայացուցիչ Ռոբերտ Լայթհայզերի՝ տարածված հայտարարության մեջ:
Հայտարարության մեջ նշված Է, որ լրացուցիչ մաքսերի սահմանումը միտված Է այն բանին, որ փոխհատուցվի այն 11 միլիարդ դոլարի տարեկան վնասը, որն ԱՄՆ-ը կրում Է Եվրամիության կողմից Airbus-ի դրամատրումից: Մաքսերը կսահմանվեն Ֆրանսիայի, Իսպանիայի, Մեծ Բրիտանիայի եւ Գերմանիայի ապրանքների համար: Դրանց թվում են՝ խոշոր օդանավերը եւ դրանց համալրող մասերը, մի ամբողջ շարք սննդամթերքներ եւ գինին, հաղորդել Է «Ինտերֆաքսը»: