Ռուսաստանն առաջարկել է եռակի ավելացնել Թուրքիայից լոլիկի ներմուծման բաժնաչափը

ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Ռուսաստանի գյուղատնտեսության նախարարությունն առաջարկել Է եռակի՝ մինչեւ 150 հազար տոննա, ավելացնել Թուրքիայից լոլիկի ներմուծման բաժնաչափը: Գերատեսչության համապատասխան հրամանագրի նախագիծը զետեղված Է regulation.gov.ru կայքում, տեղեկացնում Է «Արմենպրես»-ը: Ներկայում քվոտան կազմում Է 50 հազար տոննա:

Ավելի վաղ գերատեսչությունն առաջարկում Էր բաժնաչափն ավելացնել մինչեւ 100 հազար տոննա: Թուրքիայից լոլիկի, այլ բանջարեղենի ու մրգերի ներմուծումն արգելվել Էր 2016 թվականի հունվարի 1-ից ռուսական կործանիչի հետ կապված միջադեպի պատճառով: Լոլիկի ներկրումը, երկարատեւ բանակցություններից հետո, վերսկսվել Է 2017 թվականի նոյեմբերի 1-ից, թուրք մատակարարների համար բաժնաչափ Էր սահմանվել 50 հազար տոննա ծավալով:

Մինչեւ արգելքը Թուրքիան տարեկան Ռուսաստան Էր արտահանում 360 հազար տոննա լոլիկ, հաղորդել Է «Ինտերֆաքս»-ը: