Brexit-ի չեղարկման մասին հանրագրի կայքը խափանվել Է օգտատերերի հորդահոսքի պատճառով
2 րոպեի ընթերցում
![Brexit-ի չեղարկման մասին հանրագրի կայքը խափանվել Է օգտատերերի հորդահոսքի պատճառով](http://armenpress.am/resized/480/static/news/b/2019/03/968418.jpg)
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Բրիտանական կառավարական կայքը ժամանակավորապես դադարեցրել Է աշխատանքը տեխնիկական դժվարությունների պատճառով, որոնք ի հայտ են եկել, երբ հազարավոր օգտատերեր փորձել են ստորագրել այնտեղ զետեղված հանրագիրը Brexit-ի չեղարկման օգտին: Այդ մասին, ինչպես տեղեկացնում Է «Արմենպրես»-ը, հայտնել Է Guardian թերթը:
Ինչպես նշում Է հրատարակությունը, հանրագիրը, որը կոչ Է անում չեղարկել Լիսաբոնի պայմանագրի 50-րդ հոդվածի գործողությունը եւ պահպանել Եվրամիությանը Մեծ Բրիտանիայի անդամակցությունը, սկսել Է մեծ քանակությամբ ստորագրություններ հավաքել մարտի 20-ի երեկոյան՝ րոպեում մոտավորապես 1,5 հազար ձայն արագությամբ, ինչի արդյունքում ստորագրածների թվաքանակը գերազանցել Է 600 հազարը:
Բայց արդեն հինգշաբթի առավոտյան տեղական ժամանակով ժամը մոտավորապես 9-ին (Երեւանի ժամանակով ժամը 12:00-ին) կառավարական կայքում, որտեղ զետեղված Է հանրագիրը, խափանում Է տեղի ունեցել: Հաղորդվել Է, որ վեբ-Էջն անհասանելի Է, եւ օգտատերերը կարող են փորձել այնտեղ մտնել ավելի ուշ: Համայնքների պալատի ներկայացուցիչը հրատարակությանը հայտնել Է, որ «համակարգի վրա մեծ եւ կայուն բեռնվածության» պատճառով ծագել են տեխնիկական բնույթի դժվարություններ, եւ իշխանություններն աշխատում են, որպեսզի վերականգնեն դրա աշխատանքը: Մեկ ժամում խափանումը հաջողվել Է վերացնել, բայց որոշ ժամանակ անց նոր խափանում Է տեղի ունեցել: Ներկայում կառավարական կայքի աշխատանքը դեռեւս անկայուն Է, սակայն հանրագիրն արդեն ստորագրել Է շուրջ 750 հազար մարդ:
«Կառավարությունը մշտապես հայտարարում Է, որ Եվրամիությունից դուրս գալը ժողովրդի կամքն Է: Մեզ հարկավոր Է վերջ դնել այդ հայտարարություններին՝ ապացուցելով հանրային աջակցության ուժը ԵՄ-ում մնալու համար»,-ասված Է կայքում զետեղված հանրագրում, հաղորդել Է ՌԻԱ Նովոստին: