368.59
Երևանի քաղաքապետարանը փորձում է մայրաքաղաքին վերադարձնել իր մշակութային դիմագիծը
1 րոպեի ընթերցում
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Երևանի քաղաքապետ Հայկ Մարությանի կարծիքով, Ազատության հրապարակի հարակից տարածքում գտնվող սրճարանների ապամոնտաժումը ետ կբերի մշակութային օջախի մթնոլորտը:
«Արմենպրես»-ի հաղորդմամբ՝ այս մասին նա գրել է «Ֆեյսբուք» սոցիալական ցանցի իր էջում:
Դիմելով երևանցիներին, քաղաքապետը նշել է, որ այսօր ի կատար է ածվում երկար տարիների իրենց երազանքը` ազատագրվում է Օպերայի շրջակայքը:
«Սա պրոցեսի սկիզբն է, այն լինելու է շարունակական: Շնորհակալ եմ բոլոր երևանցիներին այս հարցում մեր կողքին լինելու համար, մենք զգում ենք ձեր աջակցությունը: Վերադարձնենք Երևանին իր մշակութային դիմագիծը»,- եզրափակել է Մարությանը:
Կարդացեք հոդվածը` English
Բաժանորդագրվեք մեր ալիքին Telegram-ում