ԱՄՆ-ը Հնդկաստանին եւ Թուրքիային կզրկի առեւտրական արտոնություններից
1 րոպեի ընթերցում
![ԱՄՆ-ը Հնդկաստանին եւ Թուրքիային կզրկի առեւտրական արտոնություններից](http://armenpress.am/resized/480/static/news/b/2019/03/966376.jpg)
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը մտադիր Է Հնդկաստանին եւ Թուրքիային զրկել ԱՄՆ-ի Արտոնությունների գլխավոր համակարգի (ԱԳՀ) շրջանակներում տրամադրված առեւտրական արտոնություններից: Ինչպես մարտի 4-ին հայտնել Է Սպիտակ տան մամուլի ծառայությունը, պետության ղեկավարը համապատասխան ծանուցումն ուղարկել Է Կոնգրես, տեղեկացնում Է «Արմենպրես»-ը:
Երբ որոշումն ուժի մեջ մտնի, հնդկական եւ թուրքական ապրանքները, որոնց վրա առաջ տարածվում Էր ԱԳՀ-ի ռեժիմը, ԱՄՆ ներկրվելիս մաքսատուրքերով կհարկվեն ընդհանուր հիմունքներով: Ծանուցման համաձայն՝ դրա համար կթողարկվի առաձնին նախագահական պրոկլամացիա: Ըստ կանոնների՝ այն կարող Է տարածվել Կոնգրեսի ծանուցումից հետո 60 օրից ոչ շուտ, հաղորդել Է ՏԱՍՍ-ը: