Կարծիքներ

ԱՄՆ-ն փորձում է Թուրքիայից զիջումներ կորզել ռուսական S-400 համակարգերի գնման հարցում

6 րոպեի ընթերցում

ԱՄՆ-ն փորձում է Թուրքիայից զիջումներ կորզել ռուսական S-400 համակարգերի գնման հարցում

ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Թուրքիայի ռազմարդյունաբերության վարչության ղեկավար Իսմայիլ Դեմիրը դեկտեմբերի 8-ին հայտնել է, որ ԱՄՆ-ն տեխնիկական խումբ է ուղարկելու Թուրքիա: Դեմիրը նշել է, որ խմբի հիմնական առաքելություննէ լինելու ներկայացնել ռուսական S-400 ՀՕՊ համակարգերի և ամերիկյան F-35 կործանիչների տեխնիկական անհամատեղելիության փաստարկները և դրանք մեկ համակարգում գործարկելու հնարավոր ռիսկերը:

Սա վերջին մեկ ամսվա ընթացքում Թուրքիա ամերիկյան տեխնիկական խումբ ուղարկելու մասին երկրորդ տեղեկությունն է:

Դեռ 2018-ի դեկտեմբերին ամերիկյան Bloomberg-ը, հղում անելով իր աղբյուրներին, հայտնել էր, որ Անկարան ռուսական ՀՕՊ համակարգերը ձեռք բերելու պատճառով ԱՄՆ-ի հետ հարաբերությունները մեղմելու համար Վաշինգտոնին առաջարկել է տեխնիկական խումբ ուղարկել ուսումնասիրելու ռուսական զենիթահրթիռային համակարգերը: Ռուսական կողմի կտրուկ արձագանքից հետո Թուրքիայի ԱԳ նախարար Մ. Չավուշօղլուն Անկարայում ՌԴ դեսպան Ալեքսեյ Երխովին վստահեցրել էր, որ Թուրքիան ԱՄՆ-ին նման հնարավորություն չի ընձեռի:

Փաստացի այս հայտարարությունից 2 շաբաթ անց Թուրքիայի ռազմական արդյունաբերության վարչության պետը խոսում է ամերիկյան տեխնիկական խմբի հնարավոր ժամանման մասին: Պետք է նշել, որ ԱՄՆ-ից խմբի ժամանման ժամկետների մասին որոշակիություն չկա:

Դեմիրի հայտարարության մեջ խոսվում է ոչ թե S-400-ներն ուսումնասիրելու, այլ «S-400-ների և ամերիկյան F-35 կործանիչների համատեղ շահագործման տեխնիկական խնդիրները ներկայացնելու» մասին, սակայն ռուսական կողմը ապահովագրված չէ անցանկալի շրջադարձերից:

ԱՄՆ-ն ամեն կերպ փորձում է ռուսական S-400 համակարգերի գնման հարցում Թուրքիայից զիջումներ կորզել՝ առավելագույնն, իհարկե, գործարքից հրաժարումն է, իսկ նվազագույնը՝ համակարգերը ուսումնասիրելու հնարավորություն ստանալն է:

Թուրք-ռուսական գործարքը խափանելու համար ԱՄՆ-ն և՛ սպառնացել է, և՛ փորձել է սիրաշահել Թուրքիային:

Նախ ԱՄՆ-ի Սենատն այդ գործարքի հետ կապելով արգելափակոց F-35-երի մատակարարում Թուրքիային, ապա ԱՄՆ նախագահ Դ. Թրամփը ստորագրեց 2019թ. ռազմական բյուջեի նախագիծը, որի կետերից մեկով էլ նախատեսվում էր ժամանակավորապես դադարեցնել Թուրքիային F-35 կործանիչների մատակարարումը: Մատակարարման համար վերջնական որոշումը պետք է կայացվի՝ հիմք ընդունելով ԱՄՆ պաշտպանության նախարարության զեկույցը, որը Սենատ էր ներկայացվել նոյեմբերին: Այդ ընթացքում Ամերիկյան կողմը սպառնում էր վերանայել Թուրքիայի անդամակցությունը 8 երկրների համատեղ գործակցությամբ իրականացվող F-35 կործանիչների նախագծին: Իսկ Պենտագոնի զեկույցում նշվում էր, որ ռուս-թուրքական գործարքը կարող է վատ անդրադառնալ ոչ միայն F-35 կործանիչները Թուրքիային հանձնելու, այլև ամերիկյան ընկերությունների կողմից արտադրվող «CH-47F Chinook» ուղղաթիռների «F-16» կործանիչների, ինչպես նաև «UH-60 Black Hawk» ուղղաթիռների վաճառքի վրա:

Իսկ ահա արդեն դեկտեմբերի առաջին կեսից կարելի է ասել ամերիկյան կողմը փոխեց մարտավարությունը՝ անցնելով սիրաշահելու քաղաքականությանը: Նախ Թուրքիայի փոխնախագահ Ֆուաթ Օքթարը հայտարարեց, որ 2019-ին ԱՄՆ-ն ևս մեկ խմբաքանակ՝ այսինքն 2 միավոր F-35 կհանձնի Թուրքիային: Նշենք, որ նախորդ տարի հանձնվել էր առաջին խմբաքանակը, որը Թուրքիա կուղարկվի 2019-ի նոյեմբերին: Իսկ այս տարվա սկզբին տեղեկություն հայտնվեց առ այն, որ ԱՄՆ Թուրքիային առաջարկել է գնել ամերիկյան Patriot ՀՕՊ համակարգերը: Հարկ է նշել, որ Թուրքիան ռուսական համակարգերը գնելու հարցում ամերիկյան կողմի մեղադրանքներին որպես հակափաստարկ բերում էր այն, որ ԱՄՆ-ը ժամանակին հրաժարվել էր Թուրքիային վաճառել Patriot համակարգերը, որի արդյունքում թուրքական կողմը որոշել էր գնել ռուսական արտադրանքը:

Թուրքիայի ռազմարդյունաբերության վարչության ղեկավար Իսմայիլ Դեմիրն արդեն հայտնել է, որ Patriot համակարգերի գնման շուրջ ամերիկյան կողմի հետ բանակցություններ են ընթանում՝ քննարկվում են դրանց գնին, տեխնոլոգիական առանձնահատկությունների, մատակարարման ժամկետներին վերաբերող հարցեր:

Ակնհայտ է, որ ամերիկյան այս «զիջումները» արվում են որոշակի ակնկալիքներով, և դրանցում իր տեղն ունի նաև ռուսական համակարգերից հրաժարվելու պայմանը:

Թուրքիայի ԱԳ նախարար Մ. Չավուշօղլուն հայտարարել է, որ Թուրքիան կգնի ամերիկյան ՀՕՊ համակարգերը, բայց չի հրաժարվելու S-400-ներից: Ռուսական համակարգերից հրաժարումը այդքան էլ իրատեսական չէ՝ նախ պայմանագիրն արդեն ստորագրված է, երկրորդ դրանց առկայությունը ԹՀ ԶՈՒ հաշվեկշռում բազմաֆունկցիոնալ է դարձնում երկրի ՀՕՊ համակարգը:

Պետք է նշել, որ ամերիկյան ՀՕՊ համակարգերի՝ Թուրքիային վաճառելու հաստատմանը զուգահեռ ամերիկյան լրատվականներից Bloomberg-ը շրջանառության մեջ դրեց S-400-ներն ուսումնասիրելու ԱՄՆ-ին արված թուրքական առաջարկի մասին լուրը։ Իսկ այժմ թուրք պաշտոնյայի հայտարարությունը ամերիկյան տեխնիկական խմբի ժամանման մասին, չնայած այլ փաթեթավորմամբ, որոշակի կասկածների տեղիք է տալիս։ Չնայած թուրքական կողմի վստահեցումներին, թե ամերիկացիներին մոտ չեն թողնելու, ռուսական կողմը տհաճ անակնկալներից խուսափելու համար պետք է աչալրջորեն հետևի թուրք-ամերիկյան բանակցություններին։

Անահիտ Վեզիրյան

Բռնությունը նորից վերադառնում է ամերիկյան քաղաքական մշակույթ, ինչը մտահոգիչ  իրողություն է․ փորձագետի վերլուծությունը

Վերլուծություն

Բռնությունը նորից վերադառնում է ամերիկյան քաղաքական մշակույթ, ինչը մտահոգիչ իրողություն է․ փորձագետի վերլուծությունը

Արևմուտքը Վրաստանին չի վանի իրենից, այլ կշարունակի աշխատել նրա հետ. վրացագետը՝ տարածաշրջանային վերջին զարգացումների մասին

Վերլուծություն

Արևմուտքը Վրաստանին չի վանի իրենից, այլ կշարունակի աշխատել նրա հետ. վրացագետը՝ տարածաշրջանային վերջին զարգացումների մասին

Իրանագետը մեկնաբանել է Իրանի նորընտիր նախագահի առաջին արտաքին քաղաքական ուղերձները

Քաղաքականություն

Իրանագետը մեկնաբանել է Իրանի նորընտիր նախագահի առաջին արտաքին քաղաքական ուղերձները

Իրավիճակի բարդությունն այն է, որ Ֆրանսիայում կարող է հաստատվել երկիշխանություն. քաղաքագետի անդրադարձը

Քաղաքականություն

Իրավիճակի բարդությունն այն է, որ Ֆրանսիայում կարող է հաստատվել երկիշխանություն. քաղաքագետի անդրադարձը

Իրանի նախագահական ընտրությունների առաջին փուլը լի էր անակնկալներով. իրանագետի վերլուծությունը

Քաղաքականություն

Իրանի նախագահական ընտրությունների առաջին փուլը լի էր անակնկալներով. իրանագետի վերլուծությունը

Ինչով է պայմանավորված Հայաստանի կողմից Պաղեստին Պետության ճանաչումը․ մանրամասնում է արաբագետը

Քաղաքականություն

Ինչով է պայմանավորված Հայաստանի կողմից Պաղեստին Պետության ճանաչումը․ մանրամասնում է արաբագետը

Վերլուծաբանն Ուկրաինայի և Ռուսաստանի միջև բանակցային գործընթացի համար անհրաժեշտ նախապայմաններ չի տեսնում

Քաղաքականություն

Վերլուծաբանն Ուկրաինայի և Ռուսաստանի միջև բանակցային գործընթացի համար անհրաժեշտ նախապայմաններ չի տեսնում

Եվրոպայում արդեն տեսանելի է աջ ազգայնական ուժերի հաղթարշավը․ քաղաքագետն անդրադարձել է ԵՄ խորհրդարանական ընտրություններին

Քաղաքականություն

Եվրոպայում արդեն տեսանելի է աջ ազգայնական ուժերի հաղթարշավը․ քաղաքագետն անդրադարձել է ԵՄ խորհրդարանական ընտրություններին

Բարեփոխումների հարցում Եվրամիությունը Հայաստանի թիվ մեկ դաշնակիցն է․ քաղաքագետը խոսել է երկկողմ հարաբերությունների զարգացման մասին

Քաղաքականություն

Բարեփոխումների հարցում Եվրամիությունը Հայաստանի թիվ մեկ դաշնակիցն է․ քաղաքագետը խոսել է երկկողմ հարաբերությունների զարգացման մասին

Իրանագետը հայ-իրանական հարաբերություններում էական փոփոխություններ չի կանխատեսում Էբրահիմ Ռայիսիի ողբերգական մահից հետո

Կարծիքներ

Իրանագետը հայ-իրանական հարաբերություններում էական փոփոխություններ չի կանխատեսում Էբրահիմ Ռայիսիի ողբերգական մահից հետո

ԵՄ-ն պատրաստ է ընձեռել միջոցներ, որպեսզի Հայաստանը կարողանա զարգացնել իր անվտանգության համակարգը․ քաղաքագետ

Կարծիքներ

ԵՄ-ն պատրաստ է ընձեռել միջոցներ, որպեսզի Հայաստանը կարողանա զարգացնել իր անվտանգության համակարգը․ քաղաքագետ

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում