Թուրքիայի իշխող կուսակցությունը ՏԻՄ ընտրություններում Ստամբուլի քաղաքապետ կառաջադրի Բինալի Յըլդըրըմին
1 րոպեի ընթերցում
![Թուրքիայի իշխող կուսակցությունը ՏԻՄ ընտրություններում Ստամբուլի քաղաքապետ կառաջադրի Բինալի Յըլդըրըմին](http://armenpress.am/resized/480/static/news/b/2018/12/959875.jpg)
ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայում 2019 թվականի մարտին կայանալիք տեղական ինքնակառավարման մարմինների ընտրություններում իշխող «Արդարություն և զարգացում» կուսակցությունը Ստամբուլի քաղաքապետ կառաջադրի նախկին վարչապետ, մեջլիսի խոսնակ Բինալի Յըլդըրըմին: Ինչպես հաղորդում է «Արմենպրես»-ը՝ վկայակոչելով թուրքական «Անադոլու» գործակալությունը, այս մասին հայտարարել է Թուրքիայի նախագահ Ռեջեփ Թայիփ Էրդողանը:
Յըլդըրըմը 2016-2018 թվականներին զբաղեցրել է Թուրքիայի վարչապետի պաշտոնը: 2018 թվականին, երբ երկիրը խորհրդարանական ընտրություններից հետո անցում կատարեց նախագահական կառավարման համակարգի և սահմանադրական փոփոխություններով պայմանավորված՝ երկրում վերացվեց վարչապետի պաշտոնը, Բինալի Յըլդըրըմն ընտրվեց մեջլիսի խոսնակի պաշտոնում: