Սիրիայի հարցով ռուս-թուրքական պատվիրակությունների քննարկումները տեղի կունենան Մոսկվայում
1 րոպեի ընթերցում
![Սիրիայի հարցով ռուս-թուրքական պատվիրակությունների քննարկումները տեղի կունենան Մոսկվայում](http://armenpress.am/resized/480/static/news/b/2018/12/959629.jpg)
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի իշխող «Արդարություն և զարգացում» (ԱԶԿ) կուսակցության խոսնակ Օմեր Չելիքը հայտնել է, որ Սիրիայի հարցով Ռուսաստանի և Թուրքիայի պատվիրակությունների միջև քննարկումները տեղի կունենան Մոսկվայում:
Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները:
Թուրքիայից պաշտոնյաների պատվիրակությունը Մոսկվա է մեկնելու դեկտեմբերի 29-ին:
Թուրքական պատվիրակության մեջ են լինելու երկրի ազգային հետախուզական ծառայության ղեկավար Հաքան Ֆիդանը, ՊՆ նախարար Հուլուսի Աքարը և նախագահի խոսնակ Իբրահիմ Քալընը:
Տեղեկության համաձայն՝ 2019 թ. սկզբին Սիրիայի հարցով կարող են հանդիպել նաև ՌԴ նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը: