Նովոսիբիրսկում 22-ամյա աղջիկն ընկել է 13-րդ հարկի պատուհանից և ողջ մնացել

ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ։ Ռուսաստանի Դաշնության Նովոսիբիրսկ քաղաքում 22-ամյա աղջիկն ընկել է 13-րդ հարկի պատուհանից և ողջ մնացել։ «Արմենպրես»-ի հաղորդմամբ՝ միջադեպի տեսանյութը տարածել է «Mash» տելեգրամ ալիքը։

Նշվում է, որ 22-ամյա աղջիկն ընկել է գազոնի վրա։ Ընկնելու հետևանքով նա վնասել է թոքերը, սակայն կարողացել է ինքնուրույն նստել և շտապօգնության մեքենայով տեղափոխվել հիվանդանոց։