1 րոպեի ընթերցում
ԱԹԵՆՔ, 3 ՓԵՏՐՎԱՐԻ, ԱՐՄԵՆՊՐԵՍ: Իրանի միջուկային ծրագրի խնդիրները, տարածաշրջանային համագործակցությունը եւ Ռուսաստանի եւ Հունաստանի միջեւ երկկողմ հարաբերությունները Աթենքում կքննարկի Ռուսաստանի արտաքին գործերի նախարար Սերգեյ Լավրովը փետրվարի 6-ին կատարելիք այցի ընթացքում: «Ռուսաստանի արտգործնախարարի աշխատանքային այցը տեղի կունենա նրա հույն պաշտոնակից Պետրոս Մոլիվյատիսի հրավերով: Սերգեյ Լավրովը կհանդիպի նաեւ երկրի վարչապետ Կոստաս Կարամանլիսի եւ նախագահ Կարոլոս Պապուլյասի հետե,- հինգշաբթի օրը լրագրողների հետ կայացած հանդիպման ժամանակ հայտարարել է Հունաստանի ԱԳՆ-ի պաշտոնական ներկայացուցիչ Յորգոս Կումուցակոսը: «Աթենքում քննարկվելիք թեմաներից կլինեն Ռուսաստանի եւ Հունաստանի երկկողմ հարաբերությունները, Կիպրոսի հակամարտության կարգավորման հիմնախնդիրը, Բալկանները, այդ թվում եւ Կոսովոնե,- հավելել է դիվանագետը: «Կքննարկվեն նաեւ Եվրամիության եւ Ռուսաստանի հարաբերությունները, սեւծովյան տարածաշրջանի համագործակցությունը, Մերձավոր արեւելքի իրադրությունը եւ Իրանի միջուկային ծրագիրըե,- եզրափակել է Հունաստանի ԱԳՆ-ի պաշտոնական ներկայացուցիչը: