Երևանի կենդանաբանական այգում գտել են սատկած կոկորդիլոս

ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Երևանի կենդանաբանական այգում կոկորդիլոսներից մեկին սատկած են գտել:

«Արմենպրես»-ի հաղորդմամբ՝ այս մասին տեղեկանում ենք Կենդանաբանական այգու «Ֆեյսբուք»-ի էջից:

Կենդանու անկման պատճառը կհայտնեն դիահերձումից և համապատասխան լաբորատոր փորձաքննություններից հետո:

Այս պահին կենդանաբանական այգին ոչ մի լրացուցիչ տեղեկություն չի կարող տրամադրել: