368.52
Քննարկվում է ԱԺ արտահերթ ընտրություններում բնապահպանության նախարարի պաշտոնակատարի՝ ռեյտինգային ընտրակարգով առաջադրման հարցը
1 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Առաջիկա արտահերթ խորհրդարանական ընտրություններում ՀՀ բնապահպանության նախարարի պաշտոնակատար Էրիկ Գրիգորյանի՝ ռեյտինգային ընտրակարգով առաջադրման հարցը դեռևս քննարկման փուլում է:
«Արմենպրես»-ի փոխանցմամբ՝ այս մասին նոյեմբերի 7-ին ԱԺ-ում լրագրողների հետ զրույցում ասաց ինքը՝ նախարարի պաշտոնակատարը:
«Քննարկումները գնում են, ամենայն հավանականությամբ կառաջադրվեմ»,- ասաց Գրիգորյանը:
Նախարարի պաշտոնակատարի խոսքով՝ ռեյտինգային ընտրակարգով առաջադրվելու դեպքում ամենայն հավանականությամբ կառաջադրվի Մալաթիա-Սեբաստիա վարչական շրջանից: Էրիկ Գրիգորյանը նշեց, որ «Քաղաքացիական պայմանագիր» կուսակցությանն անդամակցելու վերաբերյալ քննարկում իր հետ չի եղել:
«Նման քննարկում դեռ չի եղել: Երբեք կուսակցական չեմ եղել»,- նշեց Էրիկ Գրիգորյանը:
Բաժանորդագրվեք մեր ալիքին Telegram-ում