Թուրքմենստանում ՀՀ դեսպանատանն ի հիշատակ Շառլ Ազնավուրի բացվելու է սգո մատյան

ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքմենստանում ՀՀդեսպանատանը հոկտեմբերի 3-ին, 4-ին և 5-ին կբացվի սգո մատյան՝ ի հիշատակ Հայաստանի ազգային հերոս, աշխարհահռչակ շանսոնյե Շառլ Ազնավուրի։ Այս մասին «Արմենպրես»-ը տեղեկացավ Թուրքմենստանում Հայաստանի դեսպանության «Ֆեյսբուք»-ի էջից:

«Մեծ հայի հիշատակին նվիրված գրառում կատարել ցանկացողները կարող են այցելել Թուրքմենստանում ՀՀ դեսպանություն»,- նշված է հաղորդագրության մեջ:

Աշխարհահռչակ շանսոնյե Շառլ Ազնավուրը 94 տարեկանում մահացել է հոկտեմբերի 1-ին: Լեգենդար շանսոնյե Շառլ Ազնավուրի հոգեհանգստի արարողությունը տեղի կունենա հոկտեմբերի 5-ին Փարիզում, Հաշմանդամների հուշատանը: Վարչապետ Նիկոլ Փաշինյանը հայտնել է, որ կմասնակցի աշխարհահռչակ շանսոնյե Շառլ Ազնավուրի հոգեհանգստի և հուղարկավորության արարողություններին: