1 րոպեի ընթերցում
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության փոխվարչապետ Տիգրան Ավինյանն արձանագրում է, որ Հայաստանում արտահերթ խորհրդարանական ընտրությունները պետք է անցկացվեն այս տարվա ընթացքում:
Վարչապետի՝ Երևանի Բաղրամյան 26 հասցեում գտնվող նստավայրում ՀՀ վարչապետ Նիկոլ Փաշինյանի մասնակցությամբ քննարկումից հետո «Արմենպրես»-ի թղթակցի հետ զրույցում փոխվարչապետ Տիգրան Ավինյանն ընդգծեց, որ այս տարվա ընթացքում Ազգային ժողովի արտահերթ ընտրություններ անցկացնելու վերաբերյալ որոշում կայացնելու են ոչ թե գործող խորհրդարանի պատգամավորները, այլ հայ ժողովուրդը:
Հարցին` իրենց համար անակնկա՞լ էր խորհրդարանի կողմից Ազգային ժողովի կանոնակարգ-օրենքում փոփոխություններ կատարելու նախագիծն ընդունելու որոշումը, փոխվարչապետը պատասխանեց, որ ՀՀԿ-ից, ԲՀԿ-ից ու ՀՅԴ-ից անակնկալներ այլևս չեն սպասում: «Այդ ուժերը պարզապես փորձում են ինչ-որ ժամանակով երկարացնել այս Ազգային ժողովի կյանքը, ինչը մենք թույլ չենք տա»,- շեշտեց փոխվարչապետը: