Տիգրան Ավինյանը զարմանալի է համարում վիճահարույց նախագծին «Ծառուկյան դաշինք» և ՀՅԴ խմբակցությունների կողմ քվեարկելը
1 րոպեի ընթերցում
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Փոխվարչապետ Տիգրան Ավինյանը զարմանալի է համարում Ազգային ժողովի կանոնակարգ օրենքին «Ծառուկյան դաշինք» և ՀՅԴ խմբակցությունների կողմից կողմ քվեարկելը: «Որոշակի խուճապ է արձանագրվում Հանրապետական կուսակցության շարքերում և ինձ համար շատ զարմանալի էր, որ այդ շարքերին են միացել նաև «Ծառուկյան դաշինք» խմբակցության և ՀՅԴ անդամները: Ես որևէ խնդիր չեմ տեսնում և կարծում եմ՝ նույնիսկ այս խուճապը չի կարող որևէ կերպ Ազգային ժողովի լեգիտիմությունն ավելացնել: ԱԺ արտահերթ ընտրություններն անխուսեփելի են և դրանք տեղի են ունենալու այս տարի»,- «Արմենպրես»-ի փոխանցմամբ, ասաց Ավինյանը՝ Բաղրամյան պողոտայում լրագրողների հետ զրույցում:
Միաժամանակ, փոխվարչապետը չպատասխանեց հարցին՝ արդյոք պաշտոնանկություններ սպասվում են կառավարության կազմում:
Նախագծին կողմ են քվեարկել ԱԺ 67 պատգամավորներ՝ Հանրապետական, «Ծառուկյան դաշինք» և ՀՅԴ խմբակցություններից: