Էրդողանի ներկայացուցիչը ԱՄՆ-ի դեսպանատան մոտ հրաձգությունը որակել Է քաոս առաջացնելու փորձ

ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանի պաշտոնական ներկայացուցիչ Իբրահիմ Կալընը Անկարաում ԱՄՆ-ի դեսպանատան մոտ հրաձգության հետ կապված միջադեպը որակել Է քաոս առաջացնելու փորձ, տեղեկացնում Է «Արմենպրես»-ը:

«Մենք դատապարտում ենք ԱՄՆ-ի դեսպանատան վրա կատարված հարձակումը: Այն քաոս սերմանելու բացահայտ փորձ Է»,-օգոստոսի 20-ին գրել Է նա Twitter-ի իր Էջում:

Կալընի խոսքով՝ «Թուրքիան անվտանգ երկիր Է, եւ օտարերկրյա բոլոր ներկայացուցչությունները գտնվում են պահպանության ներքո»: Նա ընդգծել Է, որ հարձակման փաստով հետաքննություն Է սկսվել:

Թուրքիայում կառավարող Արդարության եւ զարգացման կուսակցության մամուլի քարտուղար Օմեր Չելիքն ավելի վաղ ԱՄՆ-ի դեսպանատան մոտ տեղի ունեցած միջադեպը համարել Է սադրանք:

CNN Turk հեռուստաալիքի տվյալներով՝ օգոստոսի 20-ին անհայտ անձինք, սպիտակ ավտոմեքենայով անցնելով ԱՄՆ-ի դեսպանատան կողքով, վեց կրակոց են արձակել դրա ուղղությամբ: Գնդակներից երեք դիպել են դիվանագիտական ներկայացուցությունը հսկող պահակների տնակին: Միջադեպը, ինչպես նշում Է Hurriyet-ը, տեղի Է ունեցել Թուրքիայի եւ ԱՄՆ-ի միջեւ հարաբերությունների լուրջ վատացման ֆոնին այն բանից հետո, երբ Թուրքիայի իշխանությունները հրաժարվեցին ազատ արձակել ամերիկացի պաստոր Էնդրյու Բրանսոնին, որը կասկածվում Է ահաբեկչական կազմակերպությանը մասնակից լինելու մեջ, ինչպես նաեւ տարբեր խմբերի ապրանքների մաքսատուրքերի փոխադարձ բարձրացման ֆոնին, հաղորդել Է ՏԱՍՍ-ը: