Ալաբինոյում Հայաստանը ներկայացնող տանկիստները անցել են կիսաեզրափակիչ փուլ
1 րոպեի ընթերցում
![Ալաբինոյում Հայաստանը ներկայացնող տանկիստները անցել են կիսաեզրափակիչ փուլ](http://armenpress.am/resized/480/static/news/b/2018/08/942858.jpg)
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: Մերձմոսկովյան Ալաբինոյում տեղի է ունեցել հայ տանկիստների մասնակցությամբ վերջին անհատական մրցավազքը։ Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից,
Հայաստանը ներկայացնող տանկիստները մրցել են Վիետնամի, Ղրզստանի և Միանմայի թիմերի հետ։
Հայկական թիմը խոցել է հնարավոր 5 թիրախներից 5-ը, իսկ վերջին անհատական մրցավազքից հետո ամփոփվել են արդյունքները։ Հայաստանի թիմը 12 լավագույնների շարքում զբաղեցրել է 9-րդ հորիզոնականն ու անցել կիսաեզրափակիչ։
Հայ տանկիստների մասնակցությամբ փոխանցումավազքի առաջին ելույթը տեղի կունենա օգոստոսի 8-ին, իսկ մրցակիցները կլինեն Ռուսաստանը, Վենեսուելան և Մոնղոլիան: