Շվեյցարիան կամային հաղթանակ տոնեց սերբերի դեմ խաղում. E խումբ
1 րոպեի ընթերցում
![Շվեյցարիան կամային հաղթանակ տոնեց սերբերի դեմ խաղում. E խումբ](http://armenpress.am/resized/480/static/news/b/2018/06/938618.jpg)
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության E խմբում Սերբիայի հավաքականը Կալինինգրադում մրցեց Շվեյցարիայի հավաքականի հետ:
«Արմենպրես»-ի հաղորդմամբ՝ առաջին կեսի մեկնարկում սերբերը չնչին առավելություն էին ստացել: Շվեյցարացիներն հիմնականում փորձում էին հավասարեցնել խաղը:Սակայն մեկնարկի առավելությունը 5-րդ րոպեին սերբերը վերածեցին գոլի: Աչքի ընկավ Միտրովիչը:
Երկրորդ կեսի մեկնարկում Շվեյցարիան այլ տեսքով մտավ խաղադաշտ: Եվ 52-րդ րոպեին հրաշալի գոլով հաշվի հավասարությունը վերականգնեց Խական՝ 1:1: Խաղի մյուս հատվածում սերբերն շատ ավելի սուր էին գրոհում, իսկ հանդիպման վերջնամասում շվեյցարացիներն ամբողջովն տիրել էին խաղային իրավիճակին: Եվ խաղի 89-րդ րոպեին Շվեյցարիայի հաղթական գոլը խփեց Շաքիրին: Սերբիա-Շվեյցարիա 1:2:
Խմբային փուլի վերջին խաղում Սերբիան կխաղա աշխարհի 5-ակի չեմպիոն Բրազիլիայի հավաքականի հետ: Իսկ Շվեյցարիան կփորձի գերազանցել Կոստա Ռիկային: Երկրորդ տուի հետո 4-ական միավորով խմբի առաջատարները Բրազիլիայի և Շվեյցարիայի թիմերն են: Սերբիան ունի 3, Կոստա Ռիկան միավոր չունի:
Մունդիալի մասին այլ նյութերայստեղ:
Լուսանկարները՝ FIFA