Բրազիլիան հաղթանակ կորզեց Կոստա Ռիկայից. E խումբ
1 րոպեի ընթերցում
![Բրազիլիան հաղթանակ կորզեց Կոստա Ռիկայից. E խումբ](http://armenpress.am/resized/480/static/news/b/2018/06/938578.jpg)
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության E խմբում Բրազիլիան Սանկտ Պետերբուրգում մրցեց Կոստա Ռիկայի հետ:
«Արմենպրես»-ի հաղորդմամբ` մեկնարկային րոպեներին Բրազիլիան ակնհայտ տիրում էր նախաձեռնությանը և ստիպում Կոստա Ռիկային հիմնականում պաշտպանվել: Բայց Կոստա Ռիկան շեշտը դնում էր հակագրոհների վրա, որտեղ բավականին մոտ էին հաջողության հասնելուն: Վիճակագրությամբ աշխարհի 5-ակի չեմպիոները բացարձակ առավելություն ունեին:
Ի վերջո առաջին կեսում թիմերն այդպես էլ չկարողացան իրացնել իրենց հնարավորությունները և հանգստի գնացին զրոյական ոչ-ոքի հաշվով: Երկրորդ կեսի մեկնարկում էլ Բրազիլիան գրոհում էր և լուրջ խնդիրներ առաջացնում Կոստա Ռիկայի համար: Բայց ավելացված րոպեին Բրազիլիային հաղթանակ բերեց Կոուտինիոյի գոլը: Լրացուցիչ ժամանակում աշխարհի 5-ակի չեմպիոնները խփեցին նաև երկրորդ գոլը: Աչքի ընկավ Նեյմարը: Բրազիլիա-Կոստա Ռիկա 2:0:
Բրազիլիայի ազգային թիմը խմբային փուլի վերջին հանդիպումը կանցկացնի հունիսի 27-ին կմրցի Սերբիայի հետ: Նույն օրը Կոստա Ռիկան կխաղա Շվեյցարիայի հետ:
Մունդիալի մասին այլ նյութերայստեղ:
Լուսանկարները՝ FIFA