Ուրուգվայը և Ռուսաստանը Մունդիալի փլեյ-օֆֆում են

ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության փլեյ-օֆֆի առաջին ուղեգրերի տերերը հայտնի են:

«Արմենպրես»-ի հաղորդմամբ՝ «Մունդիալ-2018»-ի A խմբի երկրորդ տուրից հետո հայտնի դարձավ, որ հաջորդ փուլ դուրս եկան Ուրուգվայի և Ռուսաստանի հավաքականները, որոնք դեռևս ունեն 6-ական միավոր: Սաուդյան Արաբիայի և Եգիպտոսի թիմերը միավոր չունեն: Ուրուգվայը և Ռուսաստանը վերջին տուրում կմրցեն միմյանց դեմ, որից հետո հայտնի կդառնա, թե որ թիմը խմբում կլինի առաջինը, որը՝ երկրորդը:

Ուրուգվայ-Ռուսաստան վերջին տուրի հանդիպումը կկայանա հունիսի 25-ին: