1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Հայաստանի և Կիպրոսի խորհրդարանների ղեկավարները քննարկել են միջխորհրդարանական կազմակերպությունների շրջանակներում Կիպրոս-Հայաստան-Հունաստան խորհրդարանական համագործակցության ձևաչափ: Հայաստանի Ազգային ժողովում Կիպրոսի Հանրապետության Ներկայացուցիչների պալատի նախագահ Դեմետրիս Սիլուրիսի հետ հանդիպումից հետո լրագրողների հետ հանդիպմանն այս մասին հայտնեց ՀՀ ԱԺ նախագահ Արա Բաբլոյանը:
«Արմենպրես»-ի փոխանցմամբ՝ Բաբլոյանն ընդգծեց, որ հանդիպման ընթացքում անդրադարձ են կատարել նաև Լեռնային Ղարաբաղի և Կիպրոսի հիմնահարցերին։ «Հայաստանը և Կիպրոսը միջազգային հարթակներում մշտապես սատարել են միմյանց դիրքորոշումներին, խնդիրների կարգավորման հարցերին», - ասաց նա։
Արա Բաբլոյանն ընդգծեց, որ քննարկվել են նաև Հայոց ցեղասպանության միջազգային ճանաչման հարցը, ՀՀ-ԵՄ նոր համաձայնագրի կյանքի կոչման գործընթացին վերաբերող հարցեր։