Եվրամիությունը կդադարի իրանական նավթի դիմաց դոլարով վճարել

ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Եվրամիությունը (ԵՄ) մտադիր Է դոլարից եվրոյի անցնել Իրանից կատարվող նավթի մատակարարումների դիմաց վճարելիս: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել Է Բրյուսելի դիվանագիտական մի աղբյուր:

Ավելի վաղ հայտնի Է դարձել, որ «եվրաեռյակը»՝ Ֆրանսիան, Գերմանիան ու Մեծ Բրիտանիան եւ Իրանը համաձայնել են մշակել տնտեսական կապերի օժանդակման եւ ամրապնդման ծրագիր՝ ի պատասխան միջուկային գործարքի վերաբերյալ համաձայնագրից ԱՄՆ-ի դուրս գալուն: Այս մասին հայտնել Է եվրոպական դիվանագիտության ղեկավար Ֆեդերիկա Մոգերինին:

Առաջին հերթին, խոսքը վերաբերում Է նավթի, գազի եւ նավթամթերքների առեւտրի շարունակմանը, արդյունավետ բանկային գործարքավարություններին, ավիացիոն, ծովային եւ ցամաքային տրանսպորտի ոլորտում Իրանի հետ շփուների շարունակմանը, արտահանական վարկերի տրամադրմանը: Գործնական որոշումները պլանավորվում Է մշակել առաջիկա շաբաթների ընթացքում: Մայիսի 19 – 20-ը նշանակված Է Էներգետիկայի եւ կլիմայի եվրակոմիսար Արիաս Կանիետեի այցն Իրան: