1 րոպեի ընթերցում
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Հայաստանի Հանրապետության վարչապետի պաշտոնակատար Կարեն Կարապետյանը մայիսի 8-ին՝ լիազորությունները վայր դնելուց առաջ ընդունել է որոշում Արտակ Զաքարյանին իր դիմումի համաձայն ՀՀ պաշտպանության նախարարի առաջին տեղեկալի պաշտոնից ազատելու վերաբերյալ: Ինչպես հաղորդում է «Արմենպրես»-ը, այս մասին որոշումը տեղադրված է e-gov.am կայքում:
Կարեն Կարապետյանի մեկ այլ որոշմամբ Արտակ Դավթյանը սեփական դիմումի համաձայն ազատվել է ՀՀ պաշտպանության նախարարի տեղակալի պաշտոնից:
Կարեն Կարապետյանը մայիսի 8-ին վայր դրեց ՀՀ վարչապետի պաշտոնակատարի լիազորությունների կատարումը։ Ֆեյսբուքյան իր էջում Կարապետյանը գրառում է կատարել՝ շնորհակալություն հայտնելով քննադատության, ոգևորիչ խոսքերի և աջակցության համար, ապա բարի երթ մաղթել նոր վարչապետ Նիկոլ Փաշինյանին:
Հայաստանի Հանրապետության Ազգային ժողովի մայիսի 8-ի հատուկ նիստում կայացած անվանական, բաց քվեարկությամբ «Ելք» խմբակցության ղեկավար Նիկոլ Փաշինյանն ընտրվեց ՀՀ վարչապետ: Փաշինյանի օգտին կողմ քվեարկեց 59, դեմ՝ 42 պատգամավոր: