1 րոպեի ընթերցում
ԵՐԵՎԱՆ, 1 ՄԱՅԻՍԻ, ԱՐՄԵՆՊՐԵՍ: ՀՅԴ Հայաստանի Գերագույն Մարմինը հայտնում է, որ այսօր ՀՀ ազգային ժողովում ԱԺ ՀՅԴ խմբակցության պատգամավոր Աղվան Վարդանյանի հնչեցրած տեսակետը անձնական որոշում է և չի համապատասխանում Հ.Յ. Դաշնակցության պաշտոնական դիրքորոշմանը:
«Կատարվել է կարգապահական կոպիտ խախտում, որը կդառնա քննության նյութ: Ըստ այդմ, ՀՅԴ Հայաստանի ԳՄ-ն պահանջում է Աղվան Վարդանյանից վաղաժամ վայր դնել պատգամավորական մանդատը»,- ինչպես փոխանցում է «Արմենպրես»-ը, ասված է ՀՅԴ ԳՄ հայտարարության մեջ:
Ազգային ժողովում իր ելույթում ՀՅԴ խմբակցության քարտուղար Աղվան Վարդանյանը հայտարարել է, որ չի մասնակցելու ՀՀ վարչապետի ընտրության քվեարկությանը` չնայած կուսակցության որոշմանը, ըստ որի` ՀՅԴ-ն պետք է կողմ քվեարկի Նիկոլ Փաշինյանի թեկնածությանը: