Թուրքիան մերժել է հույն երկու զինվորականներին ազատելու Եվրահանձնաժողովի նախագահի կոչը
2 րոպեի ընթերցում
![Թուրքիան մերժել է հույն երկու զինվորականներին ազատելու Եվրահանձնաժողովի նախագահի կոչը](http://armenpress.am/resized/480/static/news/b/2018/04/931658.jpg)
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Անկարան հույն երկու զինվորականներին ազատելու Եվրահանձնաժողովի նախագահ Ժան Կլոդ Յունկերի կոչը համարում Է միջամտություն դատական գործընթացին եւ մերժում Է այն: Այդ մասին, ինչպես հաղորդել Է ՌԻԱ Նովոստին, հայտարարել Է Թուրքիայի ԱԳ նախարարության պաշտոնական ներկայացուցիչ Համի Աքսոյը, տեղեկացնում Է «Արմենպրես»-ը:
Վերջին ամիսներին խիստ սրվել են Աթենքի եւ Անկարայի հարաբերությունները: «Թուրքական նավը փետրվարին խոյահարել Է Հունաստանի առափնյա պահպանության նավը, Թուրքիան ավելի քան երկու ամիս գերի Է պահում հույն երկու զինծառայողների, որոնք պարեկման ժամանակ պատահաբար անցել են Թուրքիայի տարածք, երկու երկրների քաղաքական գործիչները հանդես են գալիս կտրուկ հայտարարություններով:
Նախօրյակին Յունկերը, ելույթ ունենալով Հունաստանի խորհրդարանում, կոչ Է արել Թուրքիային՝ ազատել ձերբակալված հույն զինվորականներին: «Մենք մերժում ենք իրավական հիմքից զուրկ այդ անլուրջ հայտարարությունները… Հույն զինծառայողները խախտել են Թուրքիայի օրենքները եւ անկախ իրավական ատյաններում օժտված չեն որեւԷ բացառիկ իրավունքով… Մենք դատապարտում ենք ԵՄ-ի նման դիրքորոշումը, որը, երբ իրեն հարկավոր Է, հիշեցնում Է իրավական պետության մասին, իսկ երբ դա պահանջում են իր շահերը, հանդես Է գալիս այնպիսի հայտարարություններով, որոնք միջամտություն են շարունակվող դատական գործընթացին»,-ասված Է Աքսոյի հայտարարության մեջ: