Եվրահանձնաժողովի ղեկավարը հանդես Է եկել ԵՄ-ին Թուրքիայի անդամակցության երաշխավորի դերում

2 րոպեի ընթերցում

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Եվրահանձնաժողովի ղեկավարը Ժան Կլոդ Յունկերը հանդես Է եկել որպես ԵՄ-ին Թուրքիայի անդամակցության շուրջ բանակցությունների շարունակման երաշխավոր: Ինչպես հաղորդել Է ՏԱՍՍ-ը, այդ մասին հայտարարությունը հնչել Է Եվրամիություն-Թուրքիա գագաթնաժողովի արդյունքներին նվիրված մամուլի ասուլիսում, գագաթնաժողով, որը մարտի 26-ին տեղի Է ունեցել Վառնայում, տեղեկացնում Է «Արմենպրես»-ը: «Ինձ համար դժվար Է խոսել Թուրքիայի եւ ԵՄ-ի միջեւ հարաբերությունների ներկա վիճակի մասին, բայց մենք պաշտպանում ենք երկխոսությունը շարունակելու Թուրքիայի ջանքերը: Առայժմ կարող ենք միայն խոստանալ, որ ինչ-որ մի պահի այդ անդամակցումը տեղի կունենա: Դեմագոգիա եմ համարում բանակցությունների դադարեցման շուրջ տեղի ունեցող խոսակցությունները: Ես այն բանի երաշխավորն եմ, որ ԵՄ-ին Թուրքիայի անդամակցման շուրջ բանակցությունները շարունակվելու են»,- ընդգծել Է Յունկերը:

Երկոխոսության ակտիվացման համար Եվրահանձնաժողովի ղեավարը Թուրքիայի նախագահ Ռեջեփ Թայիփ Էրդողանին առաջարկել Է Կիպրոսի եւ Հունաստանի հետ հարաբերությունները բարելավելու ջանքեր գործադրել, քանի որ դա ամբողջ հանրակցության հետ հարաբերությունների բարելավման անհրաժեշտ պայմանն Է:

«Թուրքիա-Եվրամիություն հանդիպումը հարկավոր Էր, այն անցավ անկերծ ու բաց մթնոլորտում: Դրա արդյունքների կապակցությամբ չպետք Է լինեն ոչ հստակ ուղերձներ, ուստի ցանկանում եմ ընդծել, որ ԵՄ-ն եւ Թուրքիան պետք Է միասին առաջ շարժվեն»,- հայտարարել Է Յունկերը:

Բաժանորդագրվեք մեր ալիքին Telegram-ում