1 րոպեի ընթերցում
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Գերմանիայից մարտի 21-ին Վրաստանի 50 քաղաքացիներ են արտաքսվել անայցագիր ռեժիմի պայմանների խախտման պատճառով: Այդ մասին, ինչպես տեղեկացնում Է «Արմենպրես»-ը, հայտնել Է «Իմեդի» հեռուստաալիքը:
Նրա տեղեկատվությամբ՝ հաջորդ ամսին գերմանացի իրավապահները պատրաստվում են արտաքսել Վրաստանի քաղաքացիների եւս մեկ խմբի: Ընդ որում փետրվարի 21-ին Գերմանիայից Վրաստան հայրենադարձության շրջանակներում նույն պատճառներով արտաքսվել Էր Վրաստանի 65 քաղաքացի: Իսկ անցած շաբաթ հանրապետության 15 քաղաքացիներ արտաքսվել Էին Ավստրիայից:
«Գրուզիա Online»-ը հիշեցնում Է, որ փետրվարին Գերմանիայի Հռենոս-Վեստֆալիայի երկրամասի կառավարությունը պահանջել Էր դադարեցնել ԵՄ-ի եւ Վրաստանի միջեւ անայցագիր ռեժիմի գործողությունը, որը սահմանվել Է մեկ տարի առաջ: