1 րոպեի ընթերցում
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: 23-րդ ձմեռային Օլիմպիական խաղերում Գերմանիան և Նորվեգիան ունեն հավասար ոսկե մեդալներ:
«Արմենպրես»-ի հաղորդմամբ` Օլիմպիական խաղերի ավարտից 4 օր առաջ Նորվեգիան ունի 11 ոսկե, 11 արծաթե և 8 բրոնզե մեդալ: Նույնքան ոսկե մեդալ ունի նաև Գերմանիա: Գերմանացիներն ունեն 7 արծաթե և 5 բրոնզե մեդալ: 8 ոսկե մեդալով երրորդ տեղում Կանադան է:
Օլիմպիական խաղերի 16 օրերի ընթացքում կխաղարկվեն մեդալների 102 հավաքածուներ 15 մարզաձևերում: «Սպիտակ խաղերի» պատմության մեջ առաջին անգամ է, որ խաղարկվում է մեդալների 100-ից ավելի հավաքածու: Ձմեռային խաղերում ամենաշատ մեդալների հավաքածուներ կխաղարկվեն դահուկավազքում (14): Խաղերին մասնակցում են Ձմեռային խաղերի համար ռեկորդային թվով մարզիկներ` 2952 մարզիկ աշխարհի 92 երկրից: Այս տարի ամենաշատ մասնակից Խաղերում ունի ԱՄՆ-ը` 242 մարզիկ: Հարավային Կորեայում Օլիմպիական խաղերն անցկացվում են երկրորդ անգամ: 1988 թվականին Սեուլում կայացան 24-րդ ամառային Օլիմպիական խաղերը:
Խաղերի փակման պաշտոնական արարողությունը կկայանա փետրվարի 25-ին: