Օլիմպիական խաղերում փորձելու եմ գերազանցել իմ լավագույն արդյունքը. Կատյա Գալստյան 

2 րոպեի ընթերցում

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Հաշված ժամեր անց Փհենչհանում կվառվի ձմեռային 23-րդ Օլիմպիական խաղերի կրակը` ազդարարելով «Սպիտակ խաղերի» մեկնարկը: Հայաստանն այս տարի խաղերին մասնակցում է միայն 3 մարզիկով: Մեր երկու դահուկորդներից մեկըև միակ աղջիկը` Կատյա Գալստյանն է: «Արմենպրես»-ի հետ զրույցում Գալստյանը խոսեց նախորդ Օլիմպիական խաղերում ձեռք բերած փորձի և առաջիկա Խաղերից սպասելիքներից:

-Կատյա, պատմեք ձեր մասին, ե՞րբ եք սկսել զբաղվել դահուկասպորտով:

-Դահուկասպորտով սկսել եմ զբաղվել 15-16 տարեկանից: Միանգամից դահուկներով չեմ սկսել, այլ անվադահուկներից եմ սկսել: Ավելի լուրջ այս մարզաձևին սկսեցի վերաբերվել մոտ 10 տարի առաջ: Մոտ երկու տարի միայն սովորում էի:

-Ինչո՞ւ դահուկասպորտ:

-Ես ծնունդով Աշոցքի տարածաշրջանի Հարթաշեն գյուղից եմ և մեզ մոտ այլ մարզաձևով զբաղվելու մեծ հնարավորություն չկա: Ինձ այս մարզաձևով զբաղվելու առաջարկ է արել Գյումրու մարզադպրոցի տնօրենը: Թուրինի Օլիմպիական խաղերի ժամանակ հեռուստացույցով դիտելուց հետո, ինքս ինձ համար որոշեցի, որ ես էլ կարող եմ դահուկասպորոտով զբաղվել: Բայց մոտ 4 ամիս է, ինչ տեղափոխվել եմ Աշոցք և մարզվում եմ այստեղ:

-Մարզիկների մեծագույն երազանքն Օլիմպիական խաղերին մասնակցելն է: Ի՞նչ դասեր պետք է քաղեք ձեզ համար այս Խաղերից:

-Դեռևս Սոչիի Օլիմպիական խաղերի ժամանակ չէի կարծում, որ ես կմասնակցեմ և լավ չէի նախապատրաստվել: Սակայն այս անգամ ինքս ինձ ասել էի, որ պետք է այնպես մարզվեմ, որ ինձ ուղարկեն Փհենչհան: Դեռևս նախորդ ձմռանից սկսել էի նախապատրաստվել այս Խաղերին:

-Սա ձեր երկրորդ Օլիմպիական խաղերն են: Ի՞նչ փորձ եք ձեռք բերել Սոչիի խաղերում, որ պետք է օգնի ձեզ:

-Ես Սոչիում կարող էի, ընդունակ էի առավել բարձր հորիզոնականում եզրափակել մրցավազքս, սակայն ես իրապես լավ չէի նախապատրաստվել: Օլիմպիական խաղերում փորձելու եմ գերազանցել իմ լավագույն արդյունքը:

Հարցազրույցը՝ Վարվառա Հայրապետյան

Հայերեն العربية English Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ