Թուրքիան նոր հարվածներ է հասցրել Իրաքի հյուսիսում
1 րոպեի ընթերցում
![Թուրքիան նոր հարվածներ է հասցրել Իրաքի հյուսիսում](http://armenpress.am/resized/480/static/news/b/2018/01/920767.jpg)
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Թուրքիայի զինված ուժերին պատկանող ռազմական ինքնաթիռները Իրաքի հյուսիսում նոր հարվածներ են հասցրել Քրդական բանվորական կուսակցության (PKK) դիրքերին: Ինչպես հաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:
Թուրքիայի զինված ուժերի գլխավոր շտաբի հայտարարության մեջ ասվում է, որ հարվածներ են հասցվել Զափ, Ավաշին, Բասյան և Հաքուրք շրջաններում: Ոչնչացվել են քուրդ զինյալներին պատկանող ապաստարաններ, զենքերի պահեստներ:
Գործողությունից հետո ինքնաթիռները վերադարձել են ռազմաբազա:
Նախօրեին ևս թուրքական զինուժը հարվածներ էր հասցրել Իրաքի հյուսիսում: