1 րոպեի ընթերցում
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: ՀՀ կառավարությունը մինչև 2020 թվականի ձմեռային զորակոչը երկարաձգեց բասկետբոլի Հայաստանի ազգային հավաքականի մի շարք անդամների պարտադիր զինվորական ծառայության զորակոչից տրված տարկետման ժամկետը:
«Արմենպրես»-ի փոխանցմամբ, տարկետման իրավունքից կօգտվեն Անդրեյ Կոնստանտինովը, Արկադի Սուրուջյանը, Արտյոմ Տավակալյանը, Էդգար Բաբայանը, Կիրիլ Հարությունյանը, Մհեր Պետրոսյանը, Միքայել Պողոսյանը, Ռաֆիկ Ուզունյանը, Սերգեյ Պոլուխինինը, Նիկիտա Զախարովը և Ռիչարդ Էլմոյանը:
Բասկետբոլիստները հաշվառված են Կենտրոնի և Հանրապետական տարածքային զինվորական կոմիսարիատներում: