Ծանրամարտի աշխարհի առաջնությունում հոկտեմբերի 28-ին Հայաստանն ունի մեկ մասնակից

Հայաստանը ներկայացնող ծանրորդները մեկնարկում են Չինաստանում ընթացող աշխարհի առաջնությունում:

«Արմենպրես»-ի հաղորդմամբ` ծանրամարտի աշխարհի առաջնության մրցումային երկրորդ օրը՝ հոկտեմբերի 28-ին, Հայաստանն ունի մեկ մասնակից:

65 կգ քաշային կարգի B ենթախմբում հանդես կգա Գառնիկ Չոլաքյանը: Այս ենթախմբի ելույթները կմեկնարկեն Երևանի ժամանակով 12:00-ին:

Այս տարի ծանրամարտի աշխարհի առաջնությունն անցկացվում է Չինաստանի Նինբո քաղաքում։ Առաջնությունը մեկնարկել է հոկտեմբերի 27-ից և կավարտվի նոյեմբերի 8-ին: Այն առաջին վարկանիշային մրցաշարն է 2028 թվականի Օլիմպիական խաղերից առաջ: