1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Վրաստանի պաշտպանության նախարար Լեւան Իզորիան հայտարարել Է, որ Javelin ամերիկյան հակատանկային համալիրներն արդեն հասցվել են Վրաստան, տեղեկացնում Է «Արմենպրես»-ը:
Ավելի վաղ ԱՄՆ-ի Պետդեպարտամենտը հավանություն Էր տվել նշված համալիրների մատակարարմանը Վրաստանին:
«Javelin համակարգի ձեռքբերման առաջին փուլը հաջողությամբ Է ավարտվել: Համակարգը տեղավորված Է Վրաստանում, անվտանգ վայրում»,-ասել Է Իզորիան լրագրողներին ԱՄՆ-ի դեսպան Յան Քելլիի հետ կայացած հանդիպումից հետո: Նախարարի խոսքով՝ շուտով վրացի զինվորականները կանցնեն համակարգի օգտագործման կանոնների ուսումնասիրման հատուկ դասընթաց:
Ինչպես նշում Է ՌԻԱ Նովոստին, ավելի վաղ Մոսկվայում հայտարարել են, որ ԱՄՆ-ից Javelin հակատանկային հրթիռային համալիրների պլանավորվող մատակարարկումը Վրաստանին կարող Է Թբիլիսիին նոր վտանգավոր արկածախնդրությունների դրդել տարածաշրջանում: