387.75
Մեր դեմ դուրս մի եկեք. Թուրքիայի արտգործնախարարը դիմել է ԱՄՆ-ին
1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Թուրքիայի արտաքին գործերի նախարար Մևլութ Չավուշօղլուն Սիրիայում թուրքական զինուժի գործողությունների կապակցությամբ հորդորել է Միացյալ Նահանգներին «չկանգնել իրենց առջև»: Ինչպես հաղորդում է «Արմենպրես»-ը, այս մասին հայտնում է թուրքական «Հուրիեթ» պարբերականը:
«Մենք ասում ենք Միացյալ Նահանգներին՝ եթե մեր կողքին չեք, մի ստվերեք, մեր դեմ էլ դուրս մի եկեք»,- հայտարարել է Չավուշօղլուն:
Նա ընդգծել է, թե քրդական ուժերը հարձակվում են թուրք զինվորների վրա, և եթե ԱՄՆ-ն չի պատրաստվում դա կասեցնել, ապա դա կանեն իրենք:
Թուրքիայի արտգործնախարարը նշել է, որ իր հետ հեռախոսազրույցում ԱՄՆ պետքարտուղար Ռեքս Թիլերսոնը հայտնել է, թե իրենց ընկերների տրամադրած տեղեկություններով Թուրքիայի դեմ հրթիռներ չեն արձակվել: «Ես էլ նրան ասացի՝ խնդրում եմ, նրանց բերանով մեզ հետ մի խոսեք»,- ասել է Չավուշօղլուն:
Բաժանորդագրվեք մեր ալիքին Telegram-ում
