Թուրքիան «Ձիթենու ճյուղ» գործողության շրջանակում առաջին կորուստն է ունեցել
1 րոպեի ընթերցում
![Թուրքիան «Ձիթենու ճյուղ» գործողության շրջանակում առաջին կորուստն է ունեցել](http://armenpress.am/resized/480/static/news/b/2018/01/919878.jpg)
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Թուրքիայի զինված ուժերը հայտարարել են Սիրիայի քրդական «Ժողովրդավարական միություն» կուսակցության (PYD) դեմ նախաձեռնած «Ձիթենու ճյուղ» գործողության շրջանակում կրած առաջին կորուստի մասին: Ինչպես հաղորդում է «Արմենպրես»-ը, այս մասին հայտնում է թուրքական Diken պարբերականը:
Թուրքական Քիլիսի Գյուլբաբա գյուղի շրջանում քրդերի հետ բախման արդյունքում մեկ թուրք զինվոր է մահացել:
Թուրքիայի զինված ուժերը հունվարի 20-ից Սիրիայի Աֆրին շրջանում քրդերի դեմ ռազմական գործողություն են սկսել, որը ստացել է «Ձիթենու ճյուղ» անվանումը: Այդ օրը թուրքական 72 ռազմական ինքնաթիռ ռմբակոծել է քրդերի դիրքերը, ինչից հետո թուրք զինվորներն անցել են սիրիան սահմանը: Գործողություններին մասնակցում են զգալի թվով զինվորներ ու զինտեխնիկա: Թուրքական զինուժն Աֆրին նահանգ է մտնել 3 ուղղությամբ: