Թուրքիան ԱՄՆ-ին նախազգուշացրել Էր քրդերի դեմ գործողության մասին. Պենտագոն
1 րոպեի ընթերցում
![Թուրքիան ԱՄՆ-ին նախազգուշացրել Էր քրդերի դեմ գործողության մասին. Պենտագոն](http://armenpress.am/resized/480/static/news/b/2018/01/919734.jpg)
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Թուրքիան ԱՄՆ-ին վաղօրոք հայտնել Էր, որ պլանավորում Է Սիրիայի հյուսիսում ավիահարձակումներ կատարել «Դեմոկրատական Սիրիայի ուժեր» կոալիցիայից քրդերի դեմ, որոնց աջակցում Է Վաշինգտոն: Հունվարի 22-ին այս մասին լրագրողներին հայտարարել Է ԱՄՆ-ի պաշտպանության նախարար Ջեյմս Մեթիսը, տեղեկացնում Է «Արմենպրես»-ը:
«Թուրքիան անկեղծ Էր: Նրանք մեզ նախազգուշացրել Էին, նախքան օդուժն ուղարկելը եւ դա անելը, խորհրդակցել Էին մեզ հետ»,- ասել Է Պենտագոնի ղեկավարը, հունվարի 21-ին որի խոսքից մեջբերում Է անում Reuters գործակալությունը: «Եվ այժմ մենք աշխատում ենք այն բանի վրա, թե այնուհետեւ ինչպես գործենք: Մենք դա կորոշենք»,- հավաստիացրել Է նախարարը:
Թուրքիայի զինված ուժերի գլխավոր շտաբը հունվարի 20-ին հայտարարել Է Աֆրինի շրջանում, որտեղ բնակվում են շուրջ 1,5 միլիոն սիրիացի քրդեր, «Ժողովրդական ինքնապաշտպանության ուժերի» եւ «Դեմոկրատական միություն» կուսակցության ջոկատների քրդական կազմավորումների դեմ «Ձիթենու ճյուղ» գործողությունն սկսելու մասին, հաղորդել Է ՏԱՍՍ-ը: