Թուրքիայի նախկին վարչապետի որդին ինքնասպանություն է գործել
1 րոպեի ընթերցում
![Թուրքիայի նախկին վարչապետի որդին ինքնասպանություն է գործել](http://armenpress.am/resized/480/static/news/b/2017/12/916403.jpg)
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի նախկին վարչապետ Մեսութ Յըլմազի որդին՝ Յավուզ Յըլմազը տանը սպանված է գտնվել: Ինչպես հաղորդում է «Արմենպրես»-ը, այս մասին հայտնում է թուրքական «Հուրիեթ» պարբերականը:
Ենթադրվում է, որ 38-ամյա Յավուզ Յըլմազն ինքնասպանություն է գործել: Նրան հայտնաբերել են անկողնում՝ գլխի վրա հրազենային վնասվածքով:
Հարևանները հայտնել են, որ տնից կրակոցի ձայն են լսել:
Իրավապահ մարմինները փորձում են պարզել միջադեպի հանգամանքները: