387.75
Էրդողանը նոր դատական հայց է ներկայացրել Քըլըչդարօղլուի դեմ
1 րոպեի ընթերցում
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հերթական դատական հայցն է ներկայացրել ընդդեմ երկրի գլխավոր ընդդիմադիր Հանրապետական ժողովրդական կուսակցության առաջնորդ Քեմալ Քըլըչդարօղլուի: Ինչպես հաղորդում է «Արմենպրես»-ը, այս մասին հայտնում է թուրքական Diken-ը:
Նախօրեին Քըլըչդարօղլուն կուսակցության խմբակցության առջև իր ելույթի ժամանակ հայտարարել էր, որ փողերի լվացման և կոռուպցիոն գործերում ներգրավված թուրք գործարար Ռըզա Սարաֆը, ում դեմ գործով այս օրերին ԱՄՆ-ում դատական նիստեր են ընթանում, տեղեկություններ է ստացել հենց Էրդողանից:
Էրդողանի փաստաբան Հուսեյն Այդընը հայտնել է, որ Քըլըչդարօղլուի խոսքերը «վիրավորանք են հանրապետության նախագահի հասցեին»: Այդ փաստի առթիվ նա հայց է ներկայացրել Անկարայի գլխավոր դատախազություն:
Բաժանորդագրվեք մեր ալիքին Telegram-ում
