Թուրքիային Ս-400 համակարգերի առաջին մատակարարումը կիրականացվի 2019 թվականին

ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Թուրքիային ռուսական Ս-400 զենիթահրթիռային համակարգերի առաջին մատակարարումը կիրականցվի 2019 թվականին: Ինչպես նոյեմբերի 22-ին հայտնել Է A Haber հեռուստաալիքը, այս մասին հայտարարել Է Թուրքիայի պաշտպանության նախարար Նուրեթին Ջանիքլին, տեղեկացնում Է «Արմենպրես»-ը:

«Ս-400-ի առաջին մատակարարումը կլինի 2019 թվականին»,- մեջբերում Է հեռուստաալիքը նախարարի խոսքը, որը ելույթ Է ունեցել խորհրդարանի բյուջեի հանձնաժողովի նիստում:

Թուրքիայի նախագահը սեպտեմբերի 12-ին հայտնել Էր, որ Անկարան Մոսկվայի հետ համաձայնագիր Է ստորագրել Ս-400 համակարգերի ձեռքբերման եւ դրանց դիմաց կանխավճարի մուծման վերաբերյալ: «Ռոստեխ» պետական կորպորացիայի գլխավոր տնօրեն Սերգեյ Չեմեզովը նոյեմբերի 2-ին ՏԱՍՍ-ին հայտարարել Է, որ Թուրքիային Ս-400-ի մատակարարման պարտավորագրի գումարը գերազանցում Է 2 միլիարդ դոլարը: