Իտալիայի ֆուտբոլի ազգային թիմը 1958 թվականից ի վեր առաջին անգամ չի մասնակցի աշխարհի առաջնությանը
1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Իտալիայի ազգային թիմը 1958 թվականից ի վեր առաջին անգամ չի մասնակցի աշխարհի առաջնությանը:
«Արմենպրես»-ի հաղորդմամբ` անցումային խաղերի երկրորդ փուլում Իտալիայի հավաքականը սեփական հարկի տակ ոչ-ոքի (0:0) խաղաց Շվեդիայի ընտրանու հետ և չկարողացավ աշխարհի առաջնության ուղեգիր նվաճել, քանի որ նախորդ խաղում պարտվել էր նույն թիմին:
Շվեդիայի հավաքականը կմասնակցի Ռուսաստանում կայանալիք աշխարհի առաջնությանը:
Ֆուտբոլի աշխարհի 2018 թվականի առաջնությունը կանցկացվի Ռուսաստանի 11 քաղաքի 12 մարզադաշտում: Եզրափակիչ հանդիպումը կկայանա Մոսկվայի «Լուժնիկի»-ում: