Դիարբեքիրում PKK դեմ գործողություններում թուրք ոստիկաններ են սպանվել և վիրավորվել
1 րոպեի ընթերցում
![Դիարբեքիրում PKK դեմ գործողություններում թուրք ոստիկաններ են սպանվել և վիրավորվել](http://armenpress.am/resized/480/static/news/b/2017/11/911193.jpg)
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի իրավապահ մարմինները Դիարբեքիրի Քայափընար գավառում Քրդական բանվորական կուսակցության (PKK) դեմ իրականացվող գործողություններում կորուստներ են կրել: Ինչպես հաղորդում է «Արմենպրես»-ը, այս մասին հայտնում է թուրքական CNN Turk-ը:
Ոստիկանությունը գործողություն է իրականացրել այն տանը, որտեղ եղել են քուրդ զինյալները: Կողմերի միջև սկսված փոխհրաձգության հետևանքով սպանվել է մեկ թուրք ոստիկանը, 9-ը վիրավորվել են:
Թուրքական կողմի հաղորդմամբ`գործողություններում սպանվել է մեկ քուրդ զինյալ: