Թուրքական լոլիկի առաջին խմբաքանակն ուղարկվել Է Ռուսաստան

ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի միջերկրածովյան տարածաշրջանի սեզոնային բանջարեղենի եւ մրգերի արտահանողների միության ղեկավար Ալի Քավակը նոյեմբերի 2-ին ՌԻԱ Նովոստիին հայտնել Է, որ արգելքի չեղարկումից հետո թուրքական լոլիկի առաջին խմբաքանակն ուղարկվել Է Ռուսաստան, տեղեկացնում Է «Արմենպրես»-ը:

«Ռուսաստանին լոլիկի մատկարարումներն սկսվել են, առաջին խմբաքանակն ուղարկվել Է այսօր»,- ասել Է գործակալության զրուցակիցը:

Ավելի վաղ ՌԴ կառավարության կայքում հրապարակվել Էր որոշում, որի համաձայն՝ Ռուսաստանը նոյեմբերի 1-ից թույլատրում Է թուրքական լոլիկի ներկրումը ՌԴ գյուղատնտեսության նախարարության կողմից հաստատված ծավալի սահմաններում:

Միաժամանակ ՌԴ գյուղատնտեսության նախարարությունը հրապարակել Է հրամանի նախագիծ, ըստ որի Թուրքիայից թույլատրվում Է մինչեւ 2017 թվականի վերջը ներկրել 50 հազար տոննայից ոչ ավելի լոլիկ: