1 րոպեի ընթերցում
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ վարչապետ Կարեն Կարապետյանը հաստատել է ՀՀ կրթության և գիտության նախարարության կրթության տեսչական մարմնի կառավարման խորհրդի կազմը: Այդ մասին «Արմենպրես»-ին տեղեկացրին ՀՀ կառավարությունից:
Խորհրդի նախագահն է ՀՀ կրթության և գիտության նախարար Լևոն Մկրտչյանը: Խորհրդի կազմում ընդգրկված են նաև ՀՀ տնտեսական զարգացման և ներդրումների նախարարի տեղակալ Էմիլ Տարասյանը, «Թումո» ստեղծարար տեխնոլոգիաների կենտրոնի փոխտնօրեն Արամ Գյումիշյանը, «Հանրային դիվանագիտություն» հասարակական կազմակերպության նախագահի կրթության հարցերով խորհրդական Անահիտ Բախշյանը և այլք: