Ստամբուլում կալանավորված հայտնի իրավապաշտպաններն ազատ են արձակվել
1 րոպեի ընթերցում
![Ստամբուլում կալանավորված հայտնի իրավապաշտպաններն ազատ են արձակվել](http://armenpress.am/resized/480/static/news/b/2017/10/910211.jpg)
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Ստամբուլի դատարանը որոշում է կայացրել ազատ արձակել դեռևս հուլիսին ձերբակալված, ապա կալանավորված 8 իրավապաշտպաններին, ովքեր մեղադրվում են «զինված հանցախմբին օգնելու», «ահաբեկչական խմբավորման անդամ լինելու» մեջ: Ինչպես հաղորդում է «Արմենպրես»-ը, այս մասին հայտնում է թուրքական Demokrathaber-ը:
Կալանավորվածների շարքում էին Գերմանիայի քաղաքացի Պետեր Ֆրանկը Շթոյդները, Շվեդիայի քաղաքացի Ալի Ղարավին, Amnesty International-ի Թուրքիայի տնօրեն Իդիլ Էսերը, կազմակերպության անդամ Վելի Աջուն և այլոք:
Դատարանը որոշել է նրանց ազատ արձակել երկրից դուրս չգալու նախապայմանով: Դատախազը իրավապաշտպանների համար պահանջել է 10-15 տարվա ազատազրկում:
Իրավապաշտպանների գործով հաջորդ դատական նիստը տեղի կունենա նոյեմբերի 22-ին: