Հայաստանի բռնցքամարտի այս առաջնությունը պետք է առանձնանա նոր երիտասարդների ի հայտ գալով. Դավիթ Թորոսյան
1 րոպեի ընթերցում
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Երևանի «Դինամո» մարզահամալիրում մեկնարկեց բռնցքամարտի Հայաստանի մեծահասակների առաջնությունը:
«Հայաստանի այս առաջնությունը պետք է առանձնանա նոր երիտասարդների ի հայտ գալով: Մասնակիցների քանակը բավարար է, որ կարողանանք ընտրություն կատարել: Միտումներ կան, որ այս մարզաձևը նոր թափով կարող է զարգանալ Արցախում, սակայն տխրելու առիթ է տալիս այն փաստ, որ Վանաձորը, որը ժամանակին բռնցքամարտի հիմնական «արսենալ»-ն էր համարվում, հիմա թուլացել է»,-«Արմենպրես»-ի հետ զրույցում ասաց Հայաստանի հավաքականի գլխավոր մարզիչ Դավիթ Թորոսյանը:
Բռնցքամարտի Հայաստանի առաջնությանը մասնակցում են 86 մարզիկներ Հայաստանից և Արցախից: Մրցումային առաջին օրը կկայանա 14 մենամարտ 6 քաշային կարգերում: