Մերկելը ԵՄ-ի Խորհրդին կոչ Է արել կրճատել Թուրքիային ցուցաբերվող աջակցությունը

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Գերմանիայի կանցլեր Անգելա Մերկելը, որը ժամանել Է Բրյուսել՝ մասնակցելու Եվրամիության գագաթնաժողովին, հայտարարել Է, որ ԵՄ-ի Խորհուրդը պետք Է միահամուռ որոշում ընդունի Թուրքիային ցուցաբերվող աջակցությունը կրճատելու մասին, տեղեկացնում Է «Արմենպրես»-ը:

«Ես հանդես եմ գալու ԵՄ-ին անդամակցելիս Թուրքիային տրամադրվող աջակցությունը կրճատելու օգտին: ԵՄ-ի Խորհուրդը պետք Է այդ հարցում հանդես գա միասնաբար, ինձ համար դա գլխավոր պահանջն Է»,-ասել Է Մերկելը:

Նրա խոսքով. «ժողովրդավարության տեսանկյունից Թուրքիայում զարգացումները խիստ բացասական են»: Խոսքը վերաբերում Է ոչ միայն ԳՖՀ-ի բազմաթիվ քաղաքացիների ձերբակալություններին, այլեւ «ոչ ճիշտ ուղղությամբ իրավունքի գերակայության սկզբունքի» զարգացման ընդհանուր միտմանը, հավելել Է կանցլերը:

DPA գործակալության տվյալներով՝ Թուրքիային՝ որպես ԵՄ-ին անդամակցելու շուրջ բանակցություններ վարող երկրի ֆինանսական աջակցությունը կազմում Է 4,45 մլրդ եվրո մինչեւ 2025 թվականը, հաղորդել Է ՌԻԱ Նովոստին: