Թուրքիայում հարցաքննությունից հետո ազատել են ԱՄՆ-ի հյուպատոսարանի աշխատակցի ընտանիքին
1 րոպեի ընթերցում
![Թուրքիայում հարցաքննությունից հետո ազատել են ԱՄՆ-ի հյուպատոսարանի աշխատակցի ընտանիքին](http://armenpress.am/resized/480/static/news/b/2017/10/909122.jpg)
ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Ստամբուլի դատարանը որոշել Է կալանքից ազատել ԱՄՆ-ի հյուպատոսարանում աշխատող Թուրքիայի քաղաքացու կնոջն ու դստերը այն բանից հետո, երբ նրանք հարցաքննվել են ծայրահեղականների հետ իրենց հնարավոր կապերի շուրջ: Այդ մասին, ինչպես տեղեկացնոմ Է «Արմենպրես»-ը, հոկտեմբերի 16-ին հայտնել Է «Անադոլու» գործակալությունը՝ հղում անելով դատարանի մի աղբյուրի:
Ըստ նրա տեղեկությունների, երկու կասկածյալներին կալանքի տակ Էին վերցրել հոկտեմբերի 9-ին Ամասիա քաղաքում եւ տեղափոխել Ստամբուլ: Նրանց արգելված Է մեկնել երկրից, նրանք նաեւ պետք Է շաբաթը մեկ անգամ ներկայանան ոստիկանություն:
Ինչպես նշում Է «Անադոլու»-ն, նախօրյակին Թուրքիա Է ժամանել ԱՄՆ-ի Պետդեպարտամենտի պատվիրակությունը՝ «քննարկելու այն խնդիրները, որոնք երկկողմ հարաբերություններում ծագել են այցագրերի տրամադրումը կասեցնելու վերաբերյալ Անկարայի եւ Վաշինգտոնի որոշումից հետո»: Նշվում Է, որ ամերիկյան եւ թուրքական պատվիրակությունները բանակցություններ կվարեն հոկտեմբերի 17-ին, հաղորդել Է ՏԱՍՍ-ը: