Թուրքիան ԵՄ-ին անդամակցելու կարիք չունի. Էրդողան

ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիան Եվրամիությանն անդամակցելու կարիք չունի, նա պատրաստ Է դադարեցնել ԵՄ-ի հետ բանակցություններն այդ հարցի շուրջ: Այդ մասին, ինչպես տեղեկացնում Է «Արմենպրես»-ը, հայտարարել Է Թուրքիայի նախագահ Ռեջեփ Թայիփ Էրդողանը:

«ԵՄ-ն մեզ ստիպում Է սպասել: Մենք համբերում ենք: Եթե դուք ազնիվ եք, ապա հայտարարություն արեք, եկեք վերջ դնենք սրան, մենք ձեր կարիքը չունենք»,-ասել Է Էրդողանը՝ Անկարայում ելույթ ունենալով նահանգապետների առջեւ:

Թուրքիան 1963 թվականին ասոցացման համաձայնագիր Է ստորագրել ԵՄ-ի հետ, իսկ 1987 թականին միությանն անդամակցելու հայտ Է ներկայացրել: Սակայն անդամակցության շուրջ բանակցություններն սկսվել են միայն 2005 թվականին, ընդ որում՝ դրանք քանիցս կասեցվել են տարաձայնությունների պատճառով, հաղորդել Է ՌԻԱ Նովոստին: