Իրաքի վարչապետը խոստացել է Մոսուլն ազատագրել մի քանի օրվա ընթացքում
1 րոպեի ընթերցում
![Իրաքի վարչապետը խոստացել է Մոսուլն ազատագրել մի քանի օրվա ընթացքում](http://armenpress.am/resized/480/static/news/b/2017/06/896071.jpg)
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Իրաքի վարչապետ Հեյդար ալ-Աբադին հայտարարել է, որ մի քանի օրվա ընթացքում կհայտարարվի Մոսուլի ազատագրման մասին: Ինչպես փոխանցում է «Արմենպրես»-ը, այդ մասին հաղորդում է Al Samuria հեռուստաընկերությունը:
«Դա մի քանի օրվա հարց է, մենք կհայտարարենք Մոսուլն ամբողջությամբ ազատագրելու մասին»,- ասել է ալ-Աբադին:
Մոսուլն «Իսլամական պետություն»-ից ազատագրելու օպերացիան շարունակվում է 2016 թվականի հոկտեմբերից՝ ԱՄՆ գլխավորած կոալիցիայի օժանդակությամբ: Իրաքյան զինվորականները նախ ազատագրել են քաղաքի արևելյան հատվածը, այնուհետև ընթացիկ տարվա փետրվարին անցել արևմտյան հատվածի ազատագրման օպերացիային: