Իսրայելը հայտնել է Լիբանանի հարավային շրջաններին ավիահարվածներ հասցնելու մասին
1 րոպեի ընթերցում
![Իսրայելը հայտնել է Լիբանանի հարավային շրջաններին ավիահարվածներ հասցնելու մասին](http://armenpress.am/resized/480/storage/images/articles/2024/08/22/Uil1YLSRRlkSKaaCFHDsSDeUz8LqyHAMJ2co6um5.webp)
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Իսրայելի ռազմական ավիացիան Լիբանանի հարավային շրջաններում հարվածներ է հասցրել շիա «Հեզբոլլահ» շարժման զինված կազմավորումներին պատկանող օբյեկտներին։ «Արմենպրես»-ի փոխանցմամբ՝ այս մասին հաղորդագրություն է տարածել Իսրայելի պաշտպանության բանակը (ԻՊԲ)։
Նշվում է, որ Իսրայելի ռազմաօդային ուժերը հարվածներ են հասցրել «Հեզբոլլահ»-ի թիրախներին, որոնք տեղակայված են Լիբանանի հարավի 10-ից ավելի շրջաններում։
«Խոցված թիրախների թվում են զենքի պահեստներ, ռազմական կառույցներ և արձակման կայանք, որն օգտագործվում էր «Հեզբոլլահ» ահաբեկչական կազմակերպության կողմից Իսրայելի դեմ ահաբեկչական հարձակումներ իրականացնելու համար», - նշված է Telegram-ում հրապարակված հաղորդագրության մեջ:
Ավելի վաղ ԻՊԲ-ն հաղորդել էր «Հեզբոլլահ»-ի ռազմական օբյեկտներին հարվածներ հասցնելու մասին Շիխինի շրջանում, որը նույնպես գտնվում է Լիբանանի հարավում: